【Emily Online】记协晚宴胡国兴、曾俊华与小豪子对谈 被问周浩鼎事件 全场齐嗌「我鼎」

发布 : 2017-5-19  来源 : 明报即时新闻网


用微信扫描二维码,分享至好友和朋友圈
记协今晚举行周年晚宴,除咗邀请前特首候选人胡国兴到场做主礼嘉宾外,另一位前候选人曾俊华亦有到场,两个人仲喺台上同主持曾志豪对谈。曾俊华开场嗰阵,仲用近期大热谭仔「阿姐」嘅口音讲「大家好」,实行炒热气氛。

其他报道:【Emily Online】谭仔小编回覆100毛情书:谭仔还是我们的谭仔

胡官同曾俊华上台后,曾志豪就问佢哋点睇周浩鼎事件,曾俊华就建议「不如大家一齐讲佢个名吖」,仲同全场宾客一齐嗌:「我鼎!」全场笑到气咳。对于阿鼎用控辩双方倾案情嚟比喻事件,身为前高院法官嘅胡官即刻话,今次事件就系被告教控方大状点盘问自己,全场又再次畀胡官热烈掌声。

曾志豪又问两位点睇网上热传嘅香港艺员做政府职位个表,做过财爷嘅曾俊华对于金管局由丁蟹(郑少秋)揸旗话无咩意见,点知胡官扑出嚟话,丁蟹一做金管局个市就会冧,曾俊华即刻澄清,话金管局唔系管股票市场。曾志豪形容佢哋好似开咗场特首候选人论坛round 2咁。

其他报道:【KOL值25万月薪?】Ming仔活跃7年不倒 应网民要求笨猪跳 被封「找数真汉子」

其他报道:月薪25万 经理人公司3个月后解约 网络红人Ming仔入禀追430万元