【Emily Online】同一出发长沙 聂德权软销坐高铁 林郑拣搭飞机

发布 : 2017-9-24  来源 : 明报即时新闻网


用微信扫描二维码,分享至好友和朋友圈
特首林郑月娥及政制及内地事务局长聂德权等多名官员,今日去湖南长沙,参加2017年泛珠三角区域合作行政首长联席会议。长沙系高铁其中一个大站,聂德权就喺facebook上软销高铁好处,话自己早上喺香港返完教会崇拜后,出发去深圳北站,轻轻松松叹住咖排搭高铁,准时下昼去到长沙开会。不过,唔同人有唔同选择,林郑下昼就喺香港机场搭飞机去长沙,相信机上叹咖啡嘅时间唔多。

2017年泛珠三角区域合作行政首长联席会议听日日喺长沙举行,今日系星期日,官员都无假放要北上准备。聂德权就乘机力销高铁方便,话今朝去完教会,取道深圳北站,坐高铁和谐号去湖南长沙,用咗三个钟头廿分钟,话仲有充裕时间出席5点钟举行嘅泛珠三角区域合作年会活动。佢又post相话,出发前喺深圳北站食碗金牌牛三宝汤麺,单点人民币42蚊,仲再买埋杯咖啡上车叹。

聂局长又话,列车车速最高去到每小时306公里,赞舒服宁静,可以喺车上睇文件,完全冇问题。

林郑今日下昼都出发去长沙,但就拣搭飞机,佢喺香港国际机场见记者,话泛珠论坛成立咗十多年,系一个好好嘅机会同内地九个省嘅领导交流意见。佢又话除咗出席泛珠论坛会议外,亦约咗几个省嘅省长会面,交流下粤港澳大湾区发展规划。林郑会喺周一(25日)傍晚返港。

其他报道:林郑:中央对港一如既往 是否强硬路线属坊间标签