讲感想:二人世界最大幸福 张文做教大院士乘机U太座(图)
发布 : 2018-3-24 来源 : 明报新闻网
用微信扫描二维码,分享至好友和朋友圈
张文光(右二)噚日由教大主席马时亨(右三)颁授荣誉院士,张太(右一)同囡囡(左一)到场支持。张文光就好识做,话多年来最感激太太撑佢。(教大提供)
【明报专讯】教育大学噚日颁发荣誉院士衔畀5个杰出人士,其中包括前立法会教育界议员张文光(张文)。张文一家同教协会一班朋友噚日都去o左教大见证颁发荣誉院士仪式。张文就真系识讲说话,噚日有人问佢有咩感想,佢乘机U爆太太,话最想感激太太支持,仲话,「我想如果我能够继续同佢一齐走、走到更远o既地方,过两人世界o既日子呢,将会系我最大o既幸福!」
张文话,今次觉得非常之荣幸,认为系对于佢40年�鰡虼騝|、立法会工作o既一个肯定。佢话自己推动过香港要有一间教育大学,而教大正名后颁院士畀佢,两件事合埋一齐,系一个非常有意思o既日子。张文又话,多年来最想感激太太支持,因为「我40年政治和教育o既生涯里面,都会面对好多艰难同波折,亦有快乐同梦想,呢一切都系太太陪住我一齐」。佢又话,好想将来同太太过二人世界,呢个系佢最大o既幸福!
教大颁授荣誉院士衔畀5个杰出人士,表扬佢o地对教育、教大同社会o既贡献,除o左张文,仲有甘秀云博士、麦海雄博士、魏华星同石礼谦议员。颁授仪式由教大校董会主席马时亨教授主持。