【Emily Online】邵家辉立会爆粗 不满卫生署官员选择性引数据游说禁加热烟 (图)

发布 : 2019-12-02  来源 : 明报即时新闻网


用微信扫描二维码,分享至好友和朋友圈


一向反对禁止电子烟同加热烟嘅自由党批发及零售界立法会议员邵家辉,今日(2日)系立法会会议上不满卫生署官员选择性引用数据讲加热烟嘅祸害,忍唔住爆粗讲咗句「X你,你点解读啲你又唔读啲嘅呢?」

立法会今日举行审议《2019年吸烟(公众卫生)(修订)条例草案》委员会会议,食卫局同卫生署官员系会议上坚持全面禁止电子烟同加热烟。卫生署控烟酒办公室主管封萤引用美国食品及药物管理局(FDA)报告话,加热烟入面有好多物质毒性未明,所以冇理据讲加热烟危害比传统烟低。

邵家辉随即问毒性未明嘅物质系啲咩,封萤答报告写加热烟含有一啲传统香烟冇嘅化学物质,其中有啲含有基因毒性同细胞毒性。邵家辉随后打断封萤话,「『但含量非常低』你唔读埋呢几个字?」

封萤辩称答紧有咩成分,邵家辉爆口大骂「我exactly我揸住你嗰份嘢都读紧吖嘛,你读紧『虽然具有基因毒性及细胞毒性,但含量非常低』吖嘛,X你,你点解读啲你又唔读啲嘅呢?你读啲对你啱嘅嘢,你真系,好奇怪!啲市民睇唔到份文件,我哋睇到吖嘛!」

封萤随后又话喺会议上胪列加热烟化学物质意义不大,邵家辉批评佢讲啲嘢「好飘」,又批评局方将电子烟危害同加热烟捆绑,「等于第一日啲人走嚟立法会喺到扑玻璃,扑玻璃嗰啲系暴徒,后面嗰啲系和平示威者,你唔可以将呢两旧嘢困绑嘅,话成个立法会周边都系暴动,咁啲人梗系暴动啦,系咪?你点可以夹硬将两旧嘢捞埋呢?你喺到鱼目混珠!」