【Emily online】出席记协晚宴 胡官:有人改文件,过唔到埃及真理女神个关

发布 : 2017-5-19  来源 : 明报即时新闻网


用微信扫描二维码,分享至好友和朋友圈
香港记者协会今晚举行49周年晚宴,筵开逾50席,今年邀请咗前特首候选人胡国兴到场做主礼嘉宾,胡官致辞时不改抽水本色,套用今年记协晚会「真相」嘅主题,话如果有人讲大话、满口语言伪术、edit晒啲文件,个心就会越来越重,过唔到埃及真理女神个关,无得上天堂,令到全场大笑。

其他报道:【Emily Online】谭仔小编回覆100毛情书:谭仔还是我们的谭仔

胡官一开场就大开「抽湿机」,抽尽香港政坛水,话自己选完之后无去日本、恩平浸温泉,又话在场又有好多记者同佢selfie,令到佢就算选唔到,都好有候任特首feel喎。胡官又自爆学紧瑜珈,仲话有120%信心喺重启政改前学识倒立,到时要表现畀大家睇咁话。嗱,到时咪走数呀。

今年记协晚会用「真相」做主题,片中以「铁脚、马眼、神仙肚」嚟形容传媒行家,Emily嘅同事因为追访「一带一路访京团」团友、律师佘英辉,问佢点解上京时要去帮衬KTV夜店,行咗23层楼梯,就被纳入「铁脚」行列。

记协主席岑倚兰致辞时,再次提到新闻界被受真假新闻混淆所挑战,所以要更加需要记者,要保护新闻业本身,仲话记协筹得嘅款项,将会致力培育新记者。

前特首选举候选人之一嘅曾俊华亦有到场,佢一嚟到就同已经辞职嘅政制及内地事务局副局长陈岳鹏打招呼,两个人仲密斟咗一阵,陈岳鹏将会喺下个学年去美国哈佛大学修读公共行政硕士课程,即系会成为曾俊华师弟,唔知曾俊华有无传授啲读书心得畀陈岳鹏呢?

其他报道:【KOL值25万月薪?】Ming仔活跃7年不倒 应网民要求笨猪跳 被封「找数真汉子」

其他报道:月薪25万 经理人公司3个月后解约 网络红人Ming仔入禀追430万元