【多图:Emily Online】林郑睇校长阿Sam红馆show 引《沉默是金》话休理质问洒脱做人

发布 : 2017-8-12  来源 : 明报即时新闻网


用微信扫描二维码,分享至好友和朋友圈
「校长」谭咏麟同阿Sam许冠杰近日喺红馆开10场演唱会,原来特首林郑月娥今晚都到场做咗座上客。佢喺facebook贴出同两位主角嘅合照,话有机会睇呢个演唱会,觉得「好兴奋」,仲话近年听得最多嘅就系《沉默是金》,「休理会讽剌与质问,笑骂由人,洒脱地做人」。

其他报道:工会调查:清洁工装备不足 85%受访者需自费购手套

林太喺facebook引用咗分别由阿Sam同谭校长主唱、《铁塔凌云》同埋《爱的根源》嘅几句歌词,话呢啲都系「同我年纪差不多嘅人好熟悉嘅广东歌」,佢今晚有机会喺红馆现场睇show,「真系好兴奋」。

Emily见到林太啲相,佢除咗同谭校长同埋阿Sam大玩自拍之外,仲有同「叻哥」陈百祥、「家燕姐」薛家燕等艺人合照,张张相都见到林太几乎笑到见牙唔见眼,成个「小粉丝」咁,相信佢今晚睇show一定好开心。

近年港人为唔同议题都有好多争议,林太作为香港政府之首,不时都畀人指骂。喺今晚个facebook post入面,林太就话佢近年重听得最多嘅歌,系阿Sam同「哥哥」张国荣合唱嘅《沉默是金》,仲引用咗几句歌词:「是非有公理,慎言莫冒犯别人,遇上冷风雨休太认真,自信满心里,休理会讽刺与质问,笑骂由人,洒脱地做人」,唔知呢几句歌词系咪正正道出佢嘅心声呢?

其他报道:李国章:由泛民提出23条立法可缔造双赢 增中央信任

其他报道:刘江华指未来5年「区区有暖水泳池」 开放谘询委员会让青年申请