【Emily Online】林太好想煮饭仔、去旅行 但无悔做特首

发布 : 2017-10-12  来源 : 明报即时新闻网


用微信扫描二维码,分享至好友和朋友圈
特首林郑月娥前日发表咗施政报告,马不停蹄向市民解释施政方针。林太今朝喺港台英文台节目时话,做特首每日要工作16、17个钟,但佢从来无后悔去选特首,但透露丈夫林兆波对自己出任特首常有迟疑(second thoughts)。

其他报道:舌战后赴宴 泛民林郑先兵后礼 特首下周宴请 将派代表出席

主持人问林太,决定选特首时有无迟疑、上任后又有无后悔呢。林太一口话无,因为任特首系崇高嘅工作。佢笑住话,唯一有迟疑嘅系丈夫林兆波。林太提到,特首系一份每日返16、17个钟嘅工,但系佢希望现届政府有热情,唔会遇到困难就放弃。

林太又话,自己都想煮吓饭、去吓旅行、睇吓书,但现时嘅香港有大好发展机会,所以自己会尽力为香港服务。被问到会唔会竞逐连任特首,林太话自己宜家已系政治家,对任何事都唔会说不。

提起律政司长袁国强时,主持问林太,袁司长系咪会继续留喺政府,林太就例牌话唔可以评论。

其他报道:科技大学现「破坏王」 89幅横额被毁

其他报道:4封信交班主任 中六生翌日堕毙 兄质疑校方欠警觉 愧未察弟有异