【Emily online】苏伟文以小时住石硖尾徒置区经历 吁市民撑政府觅地建公屋

发布 : 2017-12-07  来源 : 明报即时新闻网


用微信扫描二维码,分享至好友和朋友圈
房屋议题一直系社会最关注嘅议题。今年成立32周年嘅公屋联会,今晚喺沙田石门举行联欢晚宴暨最新一届就职典礼,邀请咗署理运房局长苏伟文出席。

其他报道:批有港人反「支付宝」 李华明:只要是国内的都反,难道穷得只有「八达通」?

苏伟文致辞分享话,佢细个时候住喺石硖尾旧式徒置区,生活环境困苦,当时厕所仲要设喺屋企出面,阿妈、细妹等屋企女士要用厕所冲凉时,都要由阿爸等男士看守门口,先至安心。

后来因为石硖尾徒置区大火,政府开始大规模兴建公屋,佢哋亦都因此受惠搬入公屋,生活先至有所改善。

苏伟文以过来人身份话,自己经历过艰苦年代,明白好多基层市民等紧上公屋嘅心情,呼吁大家支持政府觅地建屋咁话。

公屋联会现届主席文裕明就即场同苏伟文上演问答环节,话希望政府尽快恢复3年上楼目标,同埋实施租金管制同租金津贴。苏伟文承认自己都好心急,仲套用股票术语话,政府需要喺房屋供应上「追落后」。之后文裕明一班公屋联会成员,仲同苏伟文同柯创盛、麦美娟、陈恒镔3位立法会议员,一齐唱狮子山下娱宾添。

其他报道:【修改议规】杨岳桥提出中止待续:民主派伸橄榄枝 一齐收回议案给港人最佳圣诞礼物

其他报道:全球暖化抵消拉尼娜效应 天文台料这个冬天不太冷