【短片:Emily Online】理大80周年校庆 两局长献唱校长弹结他伴奏

发布 : 2017-12-07  来源 : 明报即时新闻网


用微信扫描二维码,分享至好友和朋友圈
今晚系理工大学建校80周年晚宴,请嘅嘉宾星光熠熠,除咗有特首林郑月娥,仲有食物及卫生局局长陈肇始、发展局局长黄伟纶同近排参选港区人大嘅邝美云,同埋唔同局长都喺度添。

黄伟纶同理大毕业嘅陈肇始仲喺晚宴大开金口,高歌一曲,理大校长唐伟章就帮佢哋结他伴奏。黄伟纶唱咗首《总有你鼓励》,似乎黄局长唱歌有fans,台下唔少人大叫encore。而陈局长就唱咗首《月亮代表我的心》,不过音乐声似乎有啲太大声,Emily唔系好听到佢唱乜。

到邝美云唱歌个时,可能时间太夜,陆续已经有唔少人走。佢唱咗自己首《堆积情感》,宝刀未老,仍然几好听。

唐伟章就一口气弹咗几首歌,平时一副严肃嘅唐校长,弹起结他上嚟又几有型,而且吸金力超强,夹夹埋埋最少有成200万捐款。



其他报道:【修改议规】非建制议员复会后继续抗议被抬走 邵家臻发言完毕后休会