【Emily Online】渔护署杀猪演习 大猪700元一只 (图)

发布 : 2018-12-06  来源 : 明报即时新闻网


用微信扫描二维码,分享至好友和朋友圈

加关注


明声网温哥华 微信公众号


渔农自然护理署为咗非洲猪瘟演习,喺星期二(12月4日)出动大批粉红色猪只毛公仔,畀人员练习杀猪。消息一出,唔少人关心呢批「阴公猪」嘅去向同身价,仲有人话想收养佢哋。渔护署回覆话,当日有30多名渔护署人员参与演习,用咗28只道具猪同两只道具小猪,价钱分别系每只700元同埋80元。计一计,即系总共花咗19760元。

Emily听闻,其实呢批猪仔无被销毁,渔护署会照顾佢哋一生一世,暂时放喺仓库,下次演习,就会再出动。

渔护署用道具猪仔嚟演习,过程中啲相片系嚟自食物及卫生局长陈肇始Facebook。有人留言赞猪仔得意,想领养一只,又有人话:「排,杀完只猪唔要可唔可以俾只我?」仲有人留言,展示淘宝有售同「阴公猪」差唔多样嘅毛绒凳仔,分别有长50厘米公仔款,同埋1.1米沙发款,分别卖64元至452元人民币。

对比渔护署购入价,网民发现个淘宝价,似乎平好多喎!

渔护署今次演习,系要加强应变力,应对万一香港出现非洲猪瘟,若本港猪场有猪只证实染疫,场内嘅猪就真系要销毁,主要会以二氧化碳扑杀,实际情况仲要睇场内猪只数目、健康状况同体型等,再按国际动物扑杀指引决定。