【Emily Online】星期六换三套衫走三场 林郑巴士上语陈帆:好彩我噚日去咗剪头发 (图)

发布 : 2019-1-19  来源 : 明报即时新闻网


用微信扫描二维码,分享至好友和朋友圈

加关注


明声网温哥华 微信公众号


「好打得」嘅特首林郑月娥,今日星期六都直落出席咗3场活动,朝早先出席中环湾仔绕道通车仪式,下昼就去咗路向四肢伤残人士协会举办嘅「花辘Look嘉年华」,然后夜晚去香港岛各界联合会暨香港岛各界社会服务基金会就职典礼。作为本港首位女特首,林太似乎都好注重形象,3场活动都分别着咗唔同嘅衫。

林太朝早出席绕道通车仪式时,同一众嘉宾一齐搭开篷巴士率先使用绕道,佢着咗一套紫色套装。搭巴士行绕道期间,佢仲拨咗一拨头发,同坐隔离嘅运房局长陈帆话,「好彩我噚日去咗剪头发,唔系实吹到乱晒。」陈帆似乎都有回应林太嘅说话,但就听唔清佢讲咗乜。

之后林太去出席「花辘Look嘉年华」,就换咗比较casual嘅大会T恤加高领针织衫。到咗夜晚,林太就换返其招牌旗袍look加卡其色外套。一日换3个look,都拍得住唔少新娘喺bigday嘅情况,睇嚟林太真系好重视自己嘅特首形象同仪容!