【逃犯条例.Emily Online】「思考香港」网上公投 76%唔支持林郑继续施政 (图)

发布 : 2019-6-19  来源 : 明报即时新闻网


用微信扫描二维码,分享至好友和朋友圈

加关注


明声网温哥华 微信公众号


由前特首、全国政协副主席董建华牵头成立嘅网站「思考香港」,喺前日特首林郑月娥开记者会道歉后,搞咗个网上「公投」,问网民支唔支持林太未来3年继续施政。Emily为咗睇结果而投票,公投噚日下昼5点截止,24小时内有16.6万用户投票,结果系逾76%市民唔支持林太、支持系24%,唔知「思考香港」会唔会将结果告知中央?

思考香港facebook专页噚日(18日)出投票帖文,第一句就话「行政长官林郑月娥就修例引起社会纷争」,之后包底「已暂缓并亲口向全港市民致以真诚道歉」,再问市民「各位会唔会支持她未来三年继续施政呢?」;并放咗一张林太写完《施政报告》伸懒腰嘅相代表「支持」,一张林太喺记者会低头嘅相代表「不支持」。

呢个专页嘅留言网民本来多系亲建制,之前每个帖文都有一二百个赞好,但呢个「公投」喺短短24小时就获得1.5万个反应、9000几个留言、6000几个分享。有16.6万人次「公投」,有泛民区议员忍唔住留言问﹕「思考香港系咪玩X林郑?」不过睇番网民留言,支持林太嘅都唔少。

新巴职工会嘅facebook专页就赞游行者让路畀紧急车同多架被困金钟嘅巴士通过,感谢港人,工会呼吁前线车长同站务同事6月20丶21号戴口罩,同埋喺口罩上写字句,向企出嚟嘅市民表达支持、抗议政府。