【Emily Online】张竹君逾两月冇放假 称「好多同事都系」「我可能仲系好啲嗰个」 (图)

发布 : 2020-3-30  来源 : 明报即时新闻网


用微信扫描二维码,分享至好友和朋友圈

加关注


明声网温哥华 微信公众号


本港新型冠状病毒疫情持续,卫生署每日4点半都会举行记者会公布最新疫情,相信大家见得最多嘅系卫生署卫生防护中心传染病处主任张竹君。今日(30日)记者会就有记者问由1月中到今日,每次卫生署记者会都见到张医生,网民都好关注佢嘅健康状况,张医生笑住答「多谢你关心」,又话「好多同事都系连续不断地做嘢,所以我就唔系真系工作最长时间嗰个,可能仲系好啲嗰个嚟嘅」。

有记者连续问咗张医生好多问题,「你几耐冇放过假?你每日做几多个钟?工作量系点?其实政府内部有冇人可以分担你嘅工作?」

张医生笑住答:「多谢你关心,其实你哋见到我啦,但其实我哋成个卫生署所有人,包括署长、总监,或者其他你哋见唔到嘅同事呢,返工时间好多仲长过我,因为我要准备记者会,所以我留喺办公室研究病例,同埋准备资料,都要好多同事嘅支持,但系处长、总监佢哋不断都要开会,好多其他同事都要做紧其他唔同嘅嘢,例如系检疫中心同港口卫生。」