【Emily Online】蒋丽芸占内会主席座位被逐否认霸占 称欲劝郭荣铿「理性啲」 (图)

发布 : 2019-12-13  来源 : 明报即时新闻网


用微信扫描二维码,分享至好友和朋友圈

加关注


明声网温哥华 微信公众号


立法会内务委员会开咗多次会、用咗近两个月都未能选出正副主席,今日下昼开第9次会,继续由公民党郭荣铿(Dennis)主持。不过,会议开始前,民建联蒋丽芸(Ann姐)「霸占」咗主席台嘅主席位置,直到会议开始都唔肯让畀Dennis。Ann姐声称唔系「霸占」主席台,而系想游说Dennis「理性啲」。结果被Dennis逐出会议室。

Ann姐喺内会前嘅司法及法律事务委员会,已经发言批评Dennis主持会议系「揼钟(拖延时间)」;会后佢直接坐上主席台,等内会开会。民主党林卓廷影住Ann姐,被Ann姐阻止,阿廷批评Ann姐「你够唔应该霸占主席台」。Ann姐解释自己唔系霸占主席台,而系劝紧Dennis。

会议够钟开始,Ann姐都唔肯走,个主席咪仲一度开咗畀佢发言。Dennis警告Ann姐坐返自己位,但Ann姐唔肯,结果被Dennis请佢离开会议室,会议暂停10分钟。有保安上前请Ann姐离开,Ann姐由党友黄定光陪同下,先肯离开主席台。

Ann姐事后同记者讲,内会开咗近10次会都未选出主席,Dennis睇嚟想继续拖延,好多法案上唔到内会,唔可以喺今个立法会会期完成就要重头再嚟。佢话,立法会议员要做立法工作,如果完成唔到难辞其咎,无资格拎公帑。佢话Dennis唔听佢劝告,仲要赶佢走,呢样无所谓,佢之后会继续劝Dennis,又话非常遗憾「反对派」拖延会议,要予以谴责。